故事（三）作為一位A仔的媽媽，其實和你所擔心的一樣，我不希望自己的小朋友受到欺凌。

爲咗讓囝囝增廣見間建立興趣，我為佢報讀咗各式各樣嘅訓練班，特別係球類活動。但係後來我發現參加得愈多，国囝反而變得愈自卑、愈抗拒。

終於有一日佢同我講：「同學仔好似唔鍾意同自己玩，教練上堂又會笑我。」原來囝囝一路以來都獨自面對緊欺凌，我聽到覺得好心痛。

面對呢個情況，我本來以為報讀其他訓練班會有所改善，點知情況不單止無好轉，甚至愈演愈烈，連最鍾意嘅足球都唔想再踢。佢嘅臉上失去咗嗰份純粹又燦爛的笑容，取而代之嘅係失落同消沉。

後來我認識到火星學堂嘅家長班，佢地有一個信念：「在成長的路上，同路人的陪伴和協助至關重要。」雖然未來嘅日子，仍然會有人因為誤解而幫囝囝貼上「問題兒童」嘅標籤，但係至少我知道背後有一班家長互相支持。

正正因為大家都感受過呢一種難受，同路人好自然會有一份對囝囝嘅愛護、敏感以及發自內心嘅同理心。後來，囝囝由抗拒踢足球又變返鐘意返足球，佢話：「下次如果都係同佢地踢波，可以叫埋我呀！」