故事（一）作為一為A仔的媽媽，我最擔心的事，其實同其他家長沒有太大分別。

作為一位A仔嘅媽媽，我內心最擔心嘅事其實同其他家長係無太咩分別：「我以前都會諗，

阿仔第時可以做啲咩工作呢？雖然佢已經中學畢業，但對於香港哩個講求學歷愈高愈好的地方，可能都會有啲困難。」

當囝囝處於DSE備考階段，有一日，佢好主動表達：「我想學縫紉。」當刻我就諗，

既然讀書唔係佢強項，不如就俾佢試下？

火星學堂導師周Sir 成日都同我講：「放心喇，你俾佢自己試下喇，就算佢唔得，佢安全就oK嫁喇，你要俾佢經歷下」

所以卽使我自己都未會接觸過縫紉，我都決定陪佢一齊去上縫紉工作室嘅課程。

後來，我發現我個仔其實係好有創意。

佢唔單止學到一門手藝，佢仲可以將自己嘅思維融入佢嘅作品裏面，著住自己製作嘅衣服出街。

係人地眼中新奇嘅設計，其實係囝囝內心入面嘅色彩。

我好深刻咁感受到，發掘同支持孩子嘅興趣，唔單止可以幫佢哋建立手藝，仲可以增強佢哋嘅自尊同自信。

去到後來，我自己都會縫紉唔同嘅生活用品俾自己用，「縫紉本來係我囝囝嘅興趣，係佢將呢個興趣感染左我。」