故事（四）作為一位A仔的媽媽，其實和你所期待的一樣，喜歡見到自己的小朋友為住一個目標行前一步。

我個囝囝身子唔太好，佢比較奀，好瘦而且肌肉無咩力。有一日，我帶咗佢去火星學堂嘗試繩索治療，試過一次之後，佢覺得好好玩，之後就心生期待。

囝囝講野唔叻，不過當佢覺得好開心嘅時候，會發出「weeeee」呢嗰聲音。係接受繩索治療嘅過程，我每聽到佢weeee一次，我個心就開心一次。

當我知道佢有目標，有野期待嘅時候，我都好想佢會突破自己，於是就同佢講：「呀囝，你而家咁奀，下盤會唔夠力，繩索治療會有一啲部份你參與唔到，除非……」

講樣野俾大家聽，對其他小朋友嚟講，喺繩索上企起身未必係一件難事，但對於我囝囝咁瘦弱嘅身體嚟講，絕對唔係一件容易嘅事。基於囝囝好想參加火星學堂唔同類型嘅繩索治療，佢開始改變自己嘅生活。

佢一開始只可以爬行，但係佢好想由爬變成可以靠自己企起身，所以佢好主動咁做一樣自己本來從來都唔會做嘅野：做束腰運動去增加自己下盤嘅氣力。

每次見到囝囝好主動咁樣去訓練，我都感到無比嘅欣慰。繩索治療唔單止幫助身體機能，更加重要係因為熱愛，佢自己想為自己爭氣！我每次見到自己嘅小朋友為住一個目標行前一步，就會覺得好開心。

而家，佢可以靠自己企返起身，堂堂正正咁企起身做人。